MITMACHE BI OORWURM
Du hesch Luscht an dr Basler Fasnacht, spielsch scho es Instrument und suechsch e Guggenmusig,
wo Musig, Kameradschaft und Spass zemmebringt?
Denn bisch bi Oorwurm genau richtig.
S WICHTIGSCHTE IN KÜRZI
Du sotsch dis Instrument scho einigermasse beherrsche (kei Anfängerusbildig möglich).
Dr Iistieg erfolgt über drey Schnupperprobe. Wenn's für alli passt, wirsch ins erschte Anwärterjohr ufgnoh.
D Anwärterzyt goht zwei Johr. So hesch Zyt, Oorwurm kenne z lerne und mir di.
Hesch du scho es Instrument? Perfekt!
Denn nimmsch das grad an dini erschti Prob mit.
Mir wänn vo Aafang aa zämme musiziere und dich au musikalisch kennelerne.
PROOBE
Starte tüen mir offiziell nach de Summerferie (BS/BL).
Mir hän e fixe Proobedaag, jeewiils Mittwuch, 20:00 bis 22:00 Uhr in Rynach.
Registerproobe finde vor de Gsamtproobe statt 19:00 bis 20:00 Uhr.
Bis Wiehnacht alli 2 Wuche Gesamtproob, drzwüsche jeewiils Registerproobe.
Ab Januar bis zer Fasnacht denn jedi Wuche Gesamtproob.
Zuesätzlich hämmer zwei Proobedääg eine im Herbscht und eine im Januar (Samschtig).
Unseri Plätz sind in dr Regel beschränkt, will mir druf luege,
dass unseri Bsetzig möglichst optimal blybt.
Bi Froge chasch di jederzeit bi uns mälde. Mir freue uns, di kenne z lerne!
Do findsch Infos zu unserem PROBI und do gsesch unseri nächste TERMIN.